ШИД – У Лєтнєй владическей резиденциї всоботу, 4. марца, отримана Скупштина д.о.о. „Руски двор“, на хторей розпатрени Звит о роботи и финансийни звит у 2016. року, як и План роботи, та финансийох у тим року.
Скупштина овласцела Управни одбор же би ше старал о набавяню нових средствох за роботу за потреби винїци и за продукцию грозна.
Пре стабилизованє дїлованя, понеже „Руски двор“ на концу прешлого рока зазначел утрату, на Скупштини предложене же би акционере, спрам проценту учасци у сновательним капиталу, превжали вино и заплацели го у вредносци єдного евра, а як поведзене, на залихи єст 14 600 литри вина.
Понеже на схадзки у Шидзе нє присуствовали шицки члени Скупштини, порадзене же о заклученьох и предлогох буду поинформовани електронски, же би ше о нїх могли вияшнїц, а будзе прешлїдзени и материял хтори порихтани за тоту схадзку.
Як гварел предсидатель Управного одбору „Руского двору” Звонко Гнатко, у винїци тих дньох почнє орезованє лози.
