ВЕРБАС – Вчера у Народней библиотеки „Данило Киш” отримана промоция кнїжки писньох др Валентини Чизмар „Мрежии єства” o хторей, окрем самей авторки, бешедовали и писатель и поета Микола Шанта, писатель и поета Мирослав Алексич и Бранислав Зубович.
Кнїжка облапя вецей розлични периоди дозреваня авторки и обявена є на сербским язику. У тим виданю зєдинєни вецей розлични циклуси през рефлексивни, релиґийни, поетични, любовни и социялни вираз.
Тота промоция кнїжки обявеней прешлого року була перша, а з тей нагоди др Валентина Чизмар подзековала Покраїнскому секретерияту за културу, информованє и одношенє з вирскима заєднїцами, управительови Сербского народного театру др Зоранови Дєричови хтори потримал кнїжку и дал предклад же би ше ю обявело. Слова подзековносци авторка упуцела Народней библиотеки „Данило Киш” хтора орґанизовала промоцию и директорки Милияни Радованович, як и Браниславови Зубовичови, хтори у Народней библиотеки водзи литературни вечари.
