СРИМСКА МИТРОВИЦА – У Ґалериї „Лазар Возаревич” у Сримскей Митровици вчера, 4. октобра, отримана промоция романа Ясни Арнабас „Кафе Талия – Сказка о єдним чаше”.
Роман освоєл першу награду на конкурсу „Крижаня” котри розписала Литературна младеж з Беоґраду.
Ясна Арнабас по фаху правнїк, а занята є у Историйним архиву Сриму, а попри писаня насампредз поезиї, длугорочни є рецитатор и маляр. Участвовала на подобових колонийох у Руским дворе у Шидзе, а дзекуюци любови ґу рецитованю провадзи шицки програми котри орґанизує руска заєднїца у Сримскей Митровици.
У музичней часци на промоциї романа участвовала и шпивацка ґрупа „Руски зарї” з провадзеньом оркестра „Ходоба и приятелє”.
