РУСКИ КЕРЕСТУР – Вчера у Велькей сали Дома култури Руски Керестур отримана 58. Општинска смотра музично-фолклорней творчосци на котрей свою творчосц представели културно-уметнїцки дружтва зоз општини Кула.
Участвовали аматере Домa култури зоз Сивцу, Дом култури Руски Керестур, Културно-уметнїцке дружтво „Липар”, КУД „Кошут Лайош” зоз Крущичу, потим Културно-уметнїцке дружтво „Дурмитор”, Мадярски културни центер „Непкер, Руске културно-уметнїцке дружтво „Др Гавриїл Костелнїк”, КУД ґусларох „Марко Милянов” и українски КУД „Иван Сенюк” – шицки пейц з Кули.
Пре обєктивни причини у составе ансамблу, на Смотри нє наступело КУД „Йожеф Атила” и ОШ „Вук Караджич”, обидва зоз Червинки, як и КУД „Сербия” зоз Кули чийо наступи селектор одпатри док ше за то укаже нагода.
Орґанизатор и домашнї Општинскей смотри були Културно-просвитна заєднїца Кула и Дом култури Руски Керестур, покровитель Општина Кула, а селектор Любомир Вуйчин, хореоґраф зоз Вербасу.