КОЦУР – Всоботу, 12. мая, у сали Дома култури у Коцуре, одбавена дзецинска представа „Планета Норим” котру по тексту Мирона Канюха режирал Йоаким Чапко, а виведли ґлумци зоз КУД „Тарас Шевченко” зоз Дюрдьова.
Школяре зоз представи вишли нашмеяни и полни упечаткох, а потим ґлумци и госци зоз Дюрдьова предлужели друженє з коцурскима парняками у Руским доме.
Коцурска публика дзецинску представу требала одпатриц на манифестациї „Днї театру”, алє теди, пре оправдани причини, представа була одказана.
