БЕОҐРАД – У декади поднїмательства, Министерство привреди розписало Явну поволанку за додзельованє безповратних средствох у рамикох Програми стимулованя розвою поднїмательства през розвойни проєкти, хтору Министерство запровадзує з Фондом за розвой Републики Сербиї. На розполаганю вєдно 600 милиони динари.
Привредни субєкти хтори сполнюю условия за спомнуту програму можу витвориц право на финансийну потримовку од 20 одсто безповратних средствох од вредносци инвестицийного укладаня. Остаток будзе финансовани з кредиту Фонду за розвой.
На Явну поволанку ше можу приявиц поднїмателє, микро, мали и штреднї привредни субєкти и задруґи хтори реґистровани у Аґенциї за привредни реґистри, а котри доруча финансийни звити за остатнї два роки у хторих нє витворена утрата. Тото условиє нє важи за поднїмательох котри водза „просте кнїжководительство” и за „павшалцох”.
Вецей о Явней поволанки мож найсц на сайту Министерства привреди www.privreda.gov.rs и Фонду за розвой www.fondzarazvoj.gov.rs дзе мож превжац и потребну документацию за конкурованє.