Почина робиц Национална лаборатория за контролу сирового млєка

автор 021/ядю, фото stockio
927 Опатрене

БЕОҐРАД – Министерство польопривреди Сербиї вчера обявело конкурс за запошльованє штирох особох у Националней лабораториї за контролу млєка. То и условиє єй за початок роботи, як часци Дирекциї за националну референтну лабораторию у Батайници.

Лаборатория почнє робиц накадзи ше закончи конкурс, понеже є уж у подполносци опремена. Предвидзене же би у рамикох Лабораториї робело Оддзелєнє за випитованє хемийного составу млєка, афлатоксину у млєку и поживи, як и присуство бактерийох и вирусох у поживи.

Опреманє Националней лабораториї за контролу сирового млєка оможлївене зоз средствох з буджету Европскей униї (ЕУ) и Сербиї, пише сайт „Аґросмарт”. За шицки лабораториї на териториї Сербиї, чий снователь Република, од 2004. року по нєшка з буджета ЕУ уложени 15 милиони евра.

Систему Националней референтней лабораториї творя штири єдинки: „Банка рошлїнских ґенох” хтора уж оперативна; Лаборатория за фитосанитарну контролу хтора тиж уж роби, Лабораториїя за безпечносц поживи дзе ше очекує же того року будзе комплетована опрема; и Лаборатория за млєко хтора почнє робиц накадзи буду заняти роботнїки.

ПОВЯЗАНИ ТЕКСТИ