ВЕРБАС – Акция „Затичка за гендикеп” преширена на ище дзепоєдни парохиї нашого Апостолского еґзархату, а нововербаски парох о. Иґор Вовк после даскельо гуманитарних акцийох у догварки з ище дзепоєднима парохами преширел тоту акцию, нє лєм на нашо парохиї, алє и на Євангелистични и Православни.
У акциї ше збера затички з пластичних фляшох, а за 2,5 тони назбераних затичкох єдно дзецко або старша особа достанє кочик або бициґлу наменєну рижним парализом.
Парох о. Вовк пре свойо закладанє у акциї достал статус волонтера за бачки округ, а як з тей нагоди визначел, наздава ше же з часом ище змоцнї тоту акцию хтора нє кошта нїч, а барз помага особом у потреби.