КУЛА – У грекокатолїцкей парохиї священомученїка Йосафата 6. мая преславене швето велїкомученїка Георгия, а пришагал и нови осемчлени Церковни одбор тей парохиї.
Службу Божу на 9 годзин, служел парох кулянски о. Дамян Кича ЧСВВ, а капелан о. Платон Салак ЧСВВ споведал. По Служби перше була панахида за двох покойних членох потерашнього одбору – за предсидателя Янка Микиту и члена Ивана Мика.
Потим пришагали члени нового Одбору, а то Теодор Процикєвич хтори будзе предсидатель, Елемир Мудри, економ хтори були члени и прешлого составу, и члени Стефан Токарек, Мирон Гудак, Василь Семянов, Єроним Ковач, Иван Кузма и Яким Орос.
Потим у церковней потри на штирох бокох швета, у обходу и читаню євангелийох окончене пошвецанє жита, як молитва за добри и благословени урожай.