Ришиц проблем зогриваня Спортскей гали

автор мар
853 Опатрене

РУСКИ КЕРЕСТУР – Вчера отримана 39. схадзка Совиту Месней заєднїцу (МЗ) у Руским Керестуре, на котрей прилапени Финансийни звит за 2017. рок, а нєплановано ше найвецей розправяло о проблему нєзогриваня Спортскей гали.

По прилапеним Финансийним звиту МЗ Руски Керестур у 2017. року витворела приходи 4 милиони 134 тисячи, з котрих милион 820 тисячи видвоєни за дотациї, милион за Проєкт будуцей фабрики води и 2 милиони 700 тисячи за асфалтованє драгох на Новим населєню.

Присутни на тот завод розправяли о проблему нєзогриваня Спортскей гали, за цо догварене же ше попробує анґажовац особнє предсидатель Совиту Владимир Олеяр, понеже уж два роки за тоту намену по Финансийним планє Основней и штреднєй школи „Петро Кузмяк”, котри предписує Општина Кула, заплановани средства и за тото. На жаль, нє зна ше прецо до тей реализациї ище вше нє пришло.

Попри тим, прилапени Записнїки з 37. и 38 схадзки Совиту МЗ и Правилнїк о хаснованю приватней превозки (котри принєсла Општина Кула) за службени потреби, цо ше нє одноши на МЗ Руски Керестур, понеже розполага зоз службеним автом.

ПОВЯЗАНИ ТЕКСТИ