Розписани Конкурс за проєкти защити животного штредку

автор ядю
802 Опатрене

КУЛА – Вовторок, 22. авґуста, Општина Кула розписала Конкурс за проєкти/програми у обласци защити и унапредзеня животного штредку.

Финансийни средства буду додзелєни проєктом/програмом хтори промовую защиту животного штредку и реализую конкретни активносци у тей обласци, у очуваню и унапредзеню биодиверзитету, подзвигованє свидомосци явносци и прогами едукациї на териториї општини Кула (еколоґийни школи и кампи, семинари, видавнїцтво, промотивни активносци, сходи и подобне), лєбо же би зоз своїм доприношеньом ришовали конкретни еколоґийни проблем през єднократни акциї и кампанї (акция ушореня простору, ожелєньованє, порибйованє, защита природи, защита животиньох и подобне).

За проєкти Општина Кула по Програми хаснованя средствох з буджетского фонду за защиту животного штредку општини Кула за 2017. рок видвої вкупно 1 240 000 динари (од хторих 20 000 динари зоз средствох месного самодоприносу Месней заєднїци Руски Керестур за здруженя на териториї МЗ).

Термин за подношенє приявох проєктох/програмох 8 днї од дня обявйованя Конкурса, а вецей информациї мож найсц на сайту Општини Кула www.kula.rs.

ПОВЯЗАНИ ТЕКСТИ