Заґадзени воздух одвичательни за два милиони шмерци рочнє – Знаме, ище дихаме Нємилосердного ангела.

Шмишканє и шмеянє помага очувац паметанє – Значи, ми у Сербиї слабо паметаме.

На Исланду ше у ресторанох нє охабя бакшиш – И у Сербиї ше нє охабя бакшиш, бо ше до ресторанох анї нє уходзи.

Перши поцилунок Леонарда Дикаприя на филмским платну бул зоз хлопом – Щесце же то нє бул филм за одроснутих.

Роберт Самуєл, професийни стояч у шорох, зарабя тижньово коло 1 000 долари так же стої у шорох место других людзох – У Сербиї би нє заробел нїч, ище би и бити бул.

У Синґапуру иснує Кока-Кола машина, хтора дава конзерву соку кажди раз кед ю облапице – После тижня обиходу машини пре пупок сце ю нє годни облапиц.

Орландо Блум ма фобию од швиньох – Е, кед би жил у Керестуре мал би фобию од кравох.

Кед пиєце достаточно води кажде рано, будзеце щешлївши, бистрейши и будзеце мац вецей енерґиї през дзень – Тото шицко ,,бави” лєм кед сце дзень пред тим нє ,,вечерали” алкогол.

Мале дзивче послало писмо пиратови же би єй помогнул сцекнуц зоз школи. Джони Деп нащивел школу до хторей ходзело тото дзивче и виполнєл єй жаданє – Но, най ми тото дзивче пошлє адресу, мнє нє треба зоз школи, алє з Сербиї.

ПОВЯЗАНИ ТЕКСТИ