НОВИ САД – На дньовим шоре нєшкайшей 13. схадзки Скупштини АП Войводини у тим зволаню и одлука о ребалансу буджету АПВ за тот рок, а пред тим покраїнски посланїки буду розпатрац закончуюци рахунок буджету за 2016. рок.
Предвидзене же покраїнски посланїки нєшка принєшу и вецей вименки и дополнєня скорейших скупштинских одлукох – о кадровим планє АПВ за 2017. рок, о рочних програмох хаснованя средствох з буджетного фонду за води, потим за лєси, як и за розвой ловства у АПВ, а будзе дополнєна и Одлука о програми защити, ушореня и хаснованя польопривредней жеми на териториї АПВ за тот рок.
Нєшка маю буц дополнєни и одлуки о програми мирох потримовки за запровадзованє польопривредней политики за розвой валалох у АПВ за тот рок, о покраїнскей управи, о обявйованю предписаньох и других актох, а на дньовим шоре и Одлука о орґанизованю ЯП за просторне и урбанистичне планованє и проєктованє „Завод за урбанизем Войводини” Нови Сад, як и вибор заменїка Защитнїка гражданох-омбудсмана.