НОВИ САД – Нєшка, 31. авґуста, у Новим Садзе будзе отримана порядна схадзка Скупштини АП Войводини у терашнїм зволаню, а як найзначнєйша точка дньового шору наявена одлука о ище єдним ребалансу покраїнского буджету за 2017. рок.
На предлог Покраїнскей влади, буджет з ребалансом би мал буц звекшани за 1,24 милиярди динари, а як гварел предсидатель Покраїнскей влади Иґор Мирович, пенєж будзе унапрямени за инвестицийни укладаня и за капитални проєкти.
Перши ребеланс покраїнского буджету Скупштина АПВ принєсла 16. юния, кеди за нови инвестицийни укладаня видвоєни вецей як 2,5 млиярди динари.
Пред покраїнскима посланїками и розправа о Рочней програми хаснованя средствох з буджетного фонду за води АП Войводини у тим року, одлука о максималним чишлє занятих на одредзени час у системи АПВ за 2017. рок, Предлог Протоколу о сотруднїцтве АП Войводини и Републики Сербскей, як и други точки.