БЕОҐРАД – Привредна комора Сербиї (ПКС) и Национална служба за обезпечованє роботи (НСЗ) тих дньох подписали Спорозуменє о сотруднїцтве у напряме зменшованя нєзанятосци и звекшованя конкурентносци роботней моци.
На основи Спорозуменя ПКС будзе поштреднїк медзи НСЗ и привреднїками у обезпечованю кадрох потребних привреди.
Предсидатель ПКС Марко Чадеж наглаше же Спорозуменє „стратеґийно важне”, бо будзе зєдиньовац понуканє роботней моци и поглєдованє роботодавательох, а помогнє и креатором дуалного образованя у спатраню потребох привреди.
Чадеж додал же векше обезпечованє роботи оможлїви прилагодзованє системи образованя новим потребом привреди.