Стретнуце волонтерох и занятих Каритасу Сербиї

автор дюв
784 Опатрене

ЗРЕНЯНИН Рочне стретнуце волонтерох и занятих Каритасу Сербиї отримане всоботу, 16. юния, у катедралней церкви Зренянинского владичества Св. Ивана Непомука у Зренянину.

На сходзе були коло 270 волонтере зоз цалей Сербиї, а у мено нашого Апостолского еґзархату були волонтере зоз Коцура, Руского Керестура и Сримскей Митровици.

На початку стретнуца присутних привитал зренянински владика Ладислав Немет, а предсидатель Каритасу Сербиї беоґрадски архиепископ монс. Станислав Хочевар виражел жаданє же би ше у шицких наших парихийох пребудзели парохийни каритаси и баржей анґажовали у своїх каритативних активносцох.

Централне преподаванє на тему „Волонтиранє – потреба шерца” отримал францискан Карло Хармат зоз Нового Саду. Вон визначел потребу чловека же би помагал другим людзом, алє и же би му то було задовольство и духовна потреба.

Конкретни приклади парохийного Каритасу представел парох церкви Святого Ивана апостола и евангелисти Младен Шутало зоз Мостару.

ПОВЯЗАНИ ТЕКСТИ