ШИД – У Лєтнєй владическей резиденциї у Шидзе вчера, 1. юния, отримана схадзка представительох Каритасу Сербиї и Босней и Герцеґовини, а пре обєктивни причини нє присуствовали и представителє Каритасу з Горватскей.
Сход отримани пре розгварку о зменшованю ризикох од катастрофох и яка улога Каритасу у таких обставинох. Розпатрени и можлївосци реґионалного повязованя активносцох Каритасу у одредзених кризних ситуацийох, як цо то вилїви, хтори пре Саву, Дунай и Дрину єдни з реалних позарядових ситуацийох, як цо то було у маю 2014. року.
Тиж порадзене и о динамики дальших активносцох по питаню зменшованя ризикох од катастрофох, нєпогодох и других позарядових ситуацийох и улоги у тим волонтерох Каритасу, локалних самоуправох и других субєктох дружтва, як и о отримованю едукацийох, трибинох и подобним.
Спред Каритасу Сербиї на схадзки були кородинаторка Националного Каритасу Сербиї Єлена Антич, фахова сотруднїца Йована Лончаревич, координатор Каритасу Апостолского еґзархату за грекокатолїкох у Сербиї Елемир Джуджар, Анита Ґовля спред Каритасу Нового Саду и Петар Дуїч спред владического Каритасу за Срим.
