КОЦУР – Наиходзацого викенду, од 13. по 15. април, у Коцуре буду отримани шести по шоре Днї театру „Владимир Сабо-Дайко“ дзе буду приказани шейсц представи.
У рамикох тей културней манифестациї буду означени и два ювилеї – 50 роки дїлованя у театру Мирослава Медєша и 50 роки роботи у култури Радойки Лазор.
У Доме култури Днї театру буду отворени 13. априла на 20 годзин зоз виставу фотоґрафийох ювилантох, а потим будзе приказана представа „Дзивчатко и жобрак” у продукциї Етно клубу „Одняте од забуца»”
На соботу, 14. априла, Коцурци буду мац нагоду одпатриц три госцуюци представи. На 14,30 г. будзе дзецинска представа „Планета Норим” котру пририхтало КУД „Тарас Шевченко”, на 15,30 г. наступи Драмски студио АРТ з Руского Керестура з дзецинску представу „Цифровани яблука”, а на 16,30 г. будзе „Нєлапшни Алибаба” у виводзеню КУД „Дюра Киш зоз Шиду.
На нєдзелю, 15. априла, знова на сцени буду домашнї ґлумци алє з двома два представами котри и завру тогорочни Днї театру. На 16 г. будзе дзецинска представа „Кудлик Пудлик чека ґазду” котру пририхтали члени КУД „Жатва”, а на 17 г. будзе представа „Лєнїва Марча” у продукциї Етно клубу „Одняте од забуца”.