У Войводини почина жимски школски розпуст

автор ядю
1k Опатрене

ВОЙВОДИНА – У основних и штреднїх школох у Войводини нєшка ше закончує перше полрочє школского 2017/18. року, а жимски розпуст почина на пондзелок, 25. децембра, будзе тирвац по 12. януар идуцого року, а друге полрочє почнє на пондзелок, 15. януара 2018. року.

По Одлуки Покраїнского секретарияту за образованє, предписаня, управу и национални меншини-национални заєднїци, у другим полрочю плановани два роботни соботи – 14. априла по розпорядку годзинох за пияток, и 5. мая по розпорядку за пондзелок.

Остатнї роботни дзень у школским 2017/18. року за матурантох основней школи то 31. май, а за школярох од першей по седму класу 14. юний 2018. року. Матурантом ґимназийох настава ше закончує 24. мая, школяром закончуюцих класох тророчних фахових и штиророчних штреднїх школох 31. мая, а шицким другим штредньошколцом остатнї наставни дзень будзе 21. юний 2018. року.

ПОВЯЗАНИ ТЕКСТИ