КОЦУР – По законченю програмох у Етно клубу „Одняте од забуца”, манифестация „Коцурска жатва” предлужена у сали коцурского Дома култури, дзе отримани Концерт наймладших шпивачох и тамбурашох КУД „Жатва”.
На початку концерта першираз наступели млади коцурски тамбураше, подпомогнути зоз дзивчатми зоз Равного Села, та вєдно одграли штири писнї, а потим ше представели и млади шпиваче „Жатви” – Ален Мученски, Катарина Кулич, Єлена Чордаш, Наташа Тамаш и Роберт Байор.
Младих шпивачох и тамбурашох публика у полней салу Дома култури крашнє прияла, а же би им було лєгчейше постарали ше и коцурски искусни шпиваче Дарина Михняк и Марко Буила котри тиж одшпивали даскельо шпиванки.
Вецей фотоґрафиї зоз тей манифестациї обявени на нашим сайту у фотоґалериї.