КОЦУР – У коцурскей грекокатолїцкей церки Успения пресвятей Богородици вчера, 6. мая, означене швето Дзуря по юлиянским календаре и на Велькей служби Божей пошвецене младе жито.
Вельку службу Божу служел коцурски парох о. Владислав Рац котри у казанї вирним бешедовал о живоце и страданю св. Георгия, а по законченю Служби, парох у порти зоз капеланом о. Данилом Задрепком на месце дзе пошате жито, пошвецел снопчки котри скошели члени Церковного одбору и котри були поставени на штирох бокох, цо символично представя штири боки коцурского хотара.
По пошвецаню жита, шицки вирни могли вжац зоз пошвеценого жита и однєсц го дому.
