ЯСИНЯ (УКРАЇНА) – Од 2. до 7. мая у месту Ясиня, у Закарпатскей обласци України, будзе отримани Медзинародни гуцулски фестивал.
Фестивал орґанизує Здруженє гражданох ,,Гуцул и Компания” з Ужгороду. На тоту манифестацию, медзи другима, поволани и представителє Союзу Руснацох Українцох Сербиї. Вони упознаю присутних о активносцох на културним, просвитним и науковим полю нашей дияспори у Сербиї.
Обчекує ше подписованє Догварки о медзисобним сотруднїцтву, зоз котру би ше реґуловало сотруднїцтво медзи аматерскима дружтвами, уметнїками, науковима роботнїками и институциями.