НОВИ САД – Трицец штварте тогорочне число новинох „Руске слово” у рубрики „Тижньовнїк” пише о Конкурсу за софинансованє дзецинскей театралней творчосци Руснацох, а рубрика „Нашо места” о гуманитарней акциї у Вербаше и вецей активносцох у Дюрдьове.
„Економия” дава звит з Туристичней манифестациї „Днї керестурскей паприґи”, як и анализу того чи продукователь меблю „Икеа” будзе уплївовац на роботу керестурских тапетарох.
„Култура и просвита” понука звит зоз Фестивалу жридлового шпиваня „Най ше нє забудзе”, о участвованю Терези Будински у роботи на проєкту у Нємецкей, док на бокох рубрики „Людзе, роки, живот” нове предлуженє фельтону „Як (нє) скапал рокенрол”, а представена и фамелия Мудри и Лавлейди зоз Сиднею у Австралиї.
У рубрики „Духовни живот” пише як преславени Кирбай у Шидзе и о роботох на ушореню Водици.
На „Спорту” резултати наших фодбалских клубох на початку сезони и резултати Турниру у одбойки на писку на Паличу у рамикох СБ „Яша Баков”.
У тим чишлє додатки „Руске словечко” и „Литературне слово”.