НОВИ САД – У 44. тогорочним числу новинох „Руске слово”, на бокох рубрики „Тижньовнїк”, звит зоз Управного одбору Заводу за културу войводянских Руснацох и напис о озаконьованю нєлеґалних обєктох у општини Вербас, док на „Наших местох”, попри других актуалносцох, зазначене означованє октобра – мешаца старих.
„Економия” спатра чи Дюрдьовчанє задовольни зоз тогорочним урожайом бостану и информує о отвераню нєзвичайного дутяну у Шидзе.
„Култура и просвита”, медзи иншим, пише о вецей културних змистох у новосадским Руским културним центру, як представени кнїжки по руски на Сайме у Беоґрадзе, алє и о значеню кнїжки вообще у нєшкайшим чаше.
„Мозаїк” представя бодибилдерку Шейлу Зарубица з Руского Керестура, а преноши и атмосферу зоз „Шурикен” маскенбалу.
Рубрика „Духовни живот” провадзела як преславени Кирбай у Бачинцох, а рубрика „Людзе, роки, живот”, окрем фельтону „Як (нє)скапал рокенрол”, читачох упознава зоз Мирославом Медєшом з Коцура.
На „Спорту” пише о успиху керестурских столнотенисерох на Општинским змаганю и о аеробику у Коцуре. Зазначени и резултати наших фодбалских клубох у своїх подручних лиґох, а як додаток вишол „Медзипростор за кафу и виключеня”.