У новим „Руским слове”

автор ядю
935 Опатрене

НОВИ САД – Новини „Руске слово”, у своїм дзешатим тогорочним виданю, на бокох рубрики „Тижньовнїк” даваю огляднуце на нащиву делеґациї Совиту Европи Сербиї и  реализацию проєкта „Желєна школа”, док на „Наших местох” информациї о схадзки Здруженя керестурских пензионерох, а ту и други вистки з Вербасу, Жаблю и Шиду.

„Економия” пише о активносцох Подприємства „Вртлари” з Малого Идьошу и о пририхтованю керестурских паприґарох за нову сезону.

„Култура и просвита” звекшого пише о отриманим Фестивалу новей рускей народней шпиванки „Ружова заградка”, а понукнути и текст о награди котру достала професорка математики Наталия Будински. Ту и резултати змаганьох наших рецитаторох.

„Мозаїк” упознава читачох зоз Ясну Медєши, нову предсидательку Здруженя „Пакт Рутенорум”, а у рубрики „Людзе, роки, живот” пише о Наталиї Иван з Вербасу и Дюрови Макайови з Коцура. Ту и осме предлуженє фельтону „Ґу 50. Драмскому мемориялу Петра Ризнича Дядї”.

„Духовни живот” зазначел Роботню Центра за слуханє „Нїтка” у Руским Керестуре и Шветови дзень молитви у Новим Садзе и Земуну, а „Спорт” дава вистки зоз шаху, рукомету и плїваня, дзе представени и Драґан Пршич котри допатра спортски голуби.

ПОВЯЗАНИ ТЕКСТИ