У новим „Руским слове”

автор ядю
1k Опатрене

НОВИ САД – У новинох „Руске слово”, у дванастим тогорочним виданю, на бокох рубрики „Тижньовнїк”, медзи иншим, пише о крадзох на руских манифестацийох, а на „Наших местох” вистки зоз Шиду и Коцура, алє и зоз промоциї кнїжки у Кули и скупштини дюрдьовских ловарох. Ту и напис направени шлїдом одруцених здохлїнох у Руским Керестуре.

„Економия” пошвецена поднїмательству – у Шидзе и Дюрдьове, а дата и вистка з преподаваня за польопривреднїкох у Коцуре.

„Култура и просвита” звекшого пише о отвераню ювилейного Драмого мемориялу Петра Ризнича Дядї и потераз виведзених представох, а ту и вистки о успихох руских рецитаторох и школярох з вецей предметох на змаганьох рижних ступньох.

„Мозаїк” упознава читачох зоз Уну Молнар з Дюрдьова, а рубрика „Людзе, роки, живот” зоз Михайлом Виславскийом з Руского Керестура.

„Духовни живот” зазначел означованє 150-рочнїци видаваня Библиї по сербски, ярню схадзку наших священїкох у Дюрдьове и Вельконоцни вашар у Керестуре.

„Спорт”, медзи иншим, дава резултати наших клубох у ярнєй часци першенства и зоз „Бизнис лиґи” у малим фодбалу у Вербаше, а як додаток у тим чишлє „Дом и фамелия”, дзе и нове предлуженє „Женоблоґиї”.

ПОВЯЗАНИ ТЕКСТИ