У новим „Руским слове”

автор ядю
931 Опатрене

 

НОВИ САД – У тогорочним тринастим „Руским слове”, на початних бокох преосвящени владика Георгий Джуджар упутел шицким вирним вельконоцну винчованку.

,„Тижньовнїк”, медзи иншим, дава звит о активносцох НС Руснацох, а на „Наших местох” вистки зоз Шиду, Вербасу и Жаблю, як и вистка о госцованю Хора „Розанов” у Швайцарскей, док „Економия” информує о початку вибудови фабрики за преробок желєняви у Ґосподїнцох.

„Култура и просвита” дава закончуюци звит зоз тогорочного Драмского мемориялу Петра Ризнича Дядї, а пише и о видаваню другого компакт-диска Женскей шпивацкей ґрупи „Бикичанки”.

Рубрика „Людзе, роки, живот” упознава читачох зоз ґлумцом Владимиром Балащаком, наставнїцу Меланию Боянович з Руского Керестура и малженску пару Фейса зоз Трсту.

„Духовни живот” пише як означена Квитна нєдзеля, швето Благовищенє и стретнуце „Слово живота за младих” у керестурскей парохиї, як и Вельконоцни вашар у Коцуре.

„Спорт”, медзи иншим, преноши атмосферу зоз дюрдьовского „Червено-билого вечара”, дава резултати наших фодбалских клубох и вистки о роботи Малей школи спорту „Скочко” у Руским Керестуре, а ту и звит зоз кошарки „3 на 3” у рамикох Спортских бавискох „Яша Баков”. Додаток у тим чишлє „Литературне слово”.

ПОВЯЗАНИ ТЕКСТИ