НОВИ САД – У новинох „Руске слово”, у шеснастим тогорочним виданю, „Тижньовнїк” пише о Округлим столє на котрим розпатрани Нарис Закона о националних совитох, а „Нашо места”, медзи иншим, информую о активносцох месних заєднїцох у општини Шид, и о предлуженю акциї дарованя кнїжкох нашей установи библиотеком по наших местох.
„Економия” пише о початку паприґарскей сезони у Руским Керестуре, як и о початку ярнїх роботох у дюрдьовским и шидским хотаре.
„Култура и просвита” дава звит зоз манифестациї Днї театра „Владимир Сабо-Дайко” у Коцуре и огляднуце на 50. Драмски мемориял Петра Ризнича Дядї, а на „Духовним живоце” зазначени активносци керестурского Каритасу.
„Мозаїк” пише о отриманим гуманитаним концерту за Наташу Ґайдош у Руским Керестуре и нову секцию у новосадским РКЦ-у, док рубрика „Людзе, роки, живот” упознава читачох зоз фамелиями Бауцал з Вербасу и Афич-Фа зоз Швайцарскей.
„Спорт” дава резултати наших фодбалских клубох, а ту и напис о Тияни Кралєвич, успишней спортистки руского походзеня.
Як додаток вишло „Руске словечко” котре представя Николину Миячич зоз Сримскей Каменїци.