НОВИ САД – Новини „Руске слово”, котри вишли як двочисло, на бокох рубрики „Тижньовнїк” предлужую з написами о самоотримованю здруженьох гражданох у Руским Керестуре и стимулованю самозанятосци у шидскей општини, док рубрика „Нашо места” пише о схадзкох УО Рускей матки, СО Шид Рочней схадзки коцурских огньогасцох и о тим як преславени Дзень Дюрдьова.
Тогорочни Медзинародни польопривредни саям и шицки манифестациї котри буду отримани у його рамикох наявени у рубрики „Економия”, дзе мож пречитац и текст о продукциї ягодох и новим способу додзельованя єднократней пенєжней помоци у општини Шид.
„Култура и просвита” дава резултати зоз Медзиокружного змаганя з руского язика у Дюрдьове и звит зоз промоциї кнїжки о паноцови Дюрови Биндасови, а як тему обрабя способ бодованя на Закончуюцим испиту з руского язика.
„Мозаїк” представя Оддзелєнє за русинистику Филозофского факултету у Новим Садзе, рубрика „Людзе, роки, живот” читачох упознава зоз Лидию Фодор з Бачкей Тополї, а зазначене и як знїмана емисия „Кухня мойого краю” у хторей участвовала Керестурска Любица Няради.
Як преславени Кирбай у рускокерестурскей парохиї и вистку о формованю нового Церковного одбору пише на „Духовним живоце”
„Спорт”, окрем резултатох зоз Окружного школского атлетского першенства и наших фодбалских клубох у своїх першенствених лиґох, пише як керестурски рукометаше закончели тоту сезону, и яки успих у каратеу зазначела Сара Планчак и коцурски каратисти.
У тим чишлє як додаток вишло „Литературне слово”.