НОВИ САД – Новини „Руске слово”, у своїм двацец другим тогорочним виданю, на бокох рубрики „Тижньовнїк”, медзи иншим, информую як преславени Дзень Руснацох у Републики Горватскей, док рубрика „Нашо места” пише о вецей акцийох ушорйованя у Вербаше, Коцуре и Руским Керестуре и актуалносци зоз керестурскей Школи.
На бокох „Култури и просвити” пише о Манифестациї „Пришли нам Русадля” у Бикичу, означованю Дня школи у Руским Керестуре и Смотри кирилскей писменосци у Тителю, а ту и звит зоз Републичного змаганя з руского язика и язичней култури у Дюрдьове.
„Мозаїк” дава звит зоз Штварей науковей конференциї студентох, младих науковцох и фаховцох, а рубрика „Людзе, роки, живот” у бешеди з Оливеру Гарди дознава о єй дзешерочним пребуваню у Канади, а читаче можу упознац и Владу Саянковича з Керестура и Янка и Ану Кишових з Нового Саду.
„Духовни живот” зазначел як преславени Кирбай у Беоґрадзе и Русадля по наших парохийох
„Спорт”, окрем резултатох наших фодбалских и шаховских клубох у своїх першенствених лиґох, пише турниру у столним тенису у рамикох Спорстких бавискох „Яша Баков”, а понука и розгварку зоз познатим тренером з Вербасу Ненадом Нярадийом.
У тим чишлє як додаток вишлo „Руске словечко”.