НОВИ САД – Двацец осме тогорочне число новинох „Руске слово” у „Тижньовнїку” понука звит зоз Лєтнєй школи у Попрадзе, у Словацкей, а „Нашо места” даваю актуални вистки зоз Шиду и Вербасу, а ту, медзи иншим, и звит зоз виберанкох за Совит Месней заєднїци Руски Керестур.
На бокох „Економиї” пише о продукциї корнишонох у Вербаше и Руским Керестуре, а розпатра ше и питанє чи вредзи осиґурац польопривредни култури.
„Култура и просвита” пише о активносцох Дружтва за руски язик, литературу и културу, як и о упису до Штреднєй школи „Петро Кузмяк” у Руским Керестуре. У огяднуцу на Фестивал „Червену ружу”, и на истоменови вечар, дати упечатки у бешеди зоз нашима собешеднїками, а у рубрики „Мозаїк” понукаме розгварку зоз трома побиднїцами того вечара – Ивану Чордаш, Марину Роман и Кристину Афич.
На бокох рубрики „Людзе, роки, живот” читаче можу упознац Федю Полдругия, музичара и фамелию Лазорових з Вербасу, а „Духовни живот” зазначел активносци кулского Церковного одбору и Духовни вежби за жени у Шидзе.
Рубрика „Спорт” зазначує „Сити ґеймс” караван у Вербаше, а наявени и Ноцни турнир у малим фодбалу у Руским Керестуре.
Окрем рубрики з рецептами „Хладок и горуци тепши”, у тим чишлє як додаток вишло „Руске словечко”.