НОВИ САД – Трицете тогорочне число новинох „Руске слово” у „Тижньовнїку” пише о нащиви представнїкох руских институцийох Покраїнскому секретарияту за културу, док „Нашо места”, медзи иншим, понукаю звити зоз схадзкох скупштинох општинох Вербас и Шид, и о роботи Зоогиґиєнскей служби у Кули.
На бокох „Економиї” пише о младому поднїмательови Миланови Павичови з Коцура и о продукциї живини у Шидзе.
О промоциї новей кнїжки Михала Рамача и Општинскей смотри подобових творительох у Шидзе пише у рубрики „Култура и просвита”, дзе мож пречитац и розгварку зоз школярку ґенерациї у керестурскей Ґимназиї Дорис Бучко, док на „Мозаїку” звит зоз тогорочней журки „Пакт Он”.
На бокох рубрики „Людзе, роки, живот” читаче можу упознац Марию Чакан з Руского Керестура и Владимира Иванового з Дюрдьова, а „Духовни живот” зазначел пририхтованя за Водицов камп и актуалносци зоз новосадскей парохиї.
Рубрика „Спорт” пише о пририхтованю коцурского и керестурского фодбалского клубу за наиходзацу першенствену сезону, а зазначене и як було на Турниру у одбойки на писку на Паличу у рамикох Спортских бавискох „Яша Баков”.
Окрем рубрики з рецептами „Хладок и горуци тепши”, у тим чишлє як додаток вишло „Литературне слово”.