НОВИ САД – У дзешатим тогорочним чишлє новинох „Руске слово” рубрика „Тижньовнїк” дава звит зоз схадзки Националного совиту Руснацох, а пише и о наиходзацих виберанкох.
На „Наших местох” текст о проблемох з фарму кравох у Руским Керестуре, ту зазначена и нащива делеґациї Свиднїку Општини Вербас, а „Економия” дава звит зоз Скупштини д.о.о. „Руски двор”.
„Култура и просвита”, медзи иншим, обсяжнєйше пише о Фестивалє новей рускей шпиванки „Ружова заградка”, наявює премиєру представи нашого националного театру „Зазбероваче труплох”, а ту и звит з концерту школярох рускокерестурского Оддзелєня кулскей ШОМО.
„Мозаїк” понука розгварку з джез-балерину Дину Мудрох, рубрика „Людзе, роки, живот” читачох упознава з Ирену Скубан з Вербасу, як и з интересантну животну приповедку коцурскей панїматки Єлени Мудрого.
На „Духовним живоце”, медзи иншим, мож пречитац и о Шветовим молитвовим дню у Новим Садзе, а „Спорт” понука и текст о дакедишнїх Спортских бавискох „Руского слова”.