ФАКУЛТЕТ НЕПОТИЗМА, МАМИ И ТАТОВЕ ПРОФЕСОРЕ, А СИНОВЕ И ДЗИВКИ АСИСТЕНТИ – Га, майку му, цошка подозриве, кед нєт анї єдно сушедово дзецко заняте.
***
ВОЙВОДИНА ДОСТАВА 10 МИЛИОНИ ЕВРА IPA ДОНАЦИЇ –Будзме реални, дзевец доставаю политичаре, а аж єден идзе до Войводини.
***
ВЧЕРА ОТВОРЕНИ САЯМ ОБРАЗОВАНЯ, ЛИТЕРАТУРИ И КУЛТУРИ – Главни представнїк образованя бул Томислав Николич, литератури Дара Бубамара, а култури Мица Дискреция.
***
ПРОСТОРИЇ НАЙВЕКШИ ПРОБЛЕМ РУСНАЦОХ У СУБОТИЦИ – Tоти два квадрати може Суботица видвоїц же би ше шицки комотно змесцели.
***
КРАВИ БЕГАЮ ПО ЦУДЗИХ ПОЛЬОХ! – Га, дармо, кед нє маю свойо.
***
ИСКРА СТРАЦЕЛА У БАЧКИМ ЯРКУ – Вше було чежко виґрабац ше зоз ярку.
***
У ЯНУАРЕ У НОВИМ САДЗЕ МЕНШИ ПЛАЦИ – Нє хиба, важне же их маме.
***
ОДБОРНЇК НА ЧИЙ МАЄТОК РУЦЕНА БОМБА ГВАРИ: ,,ТО ПОЛИТИЧНИ ТЕРОРИЗЕМ, СЦУ МЕ УЦИХНУЦ” – Кельо ше мнє видзи, приятелю, вони це сцу забиц.
***
МОҐЕРИНИ ШЕ ФРУСТРИРАНА ВРАЦЕЛА З БАЛКАНСКЕЙ ТУРНЕЇ – Спенєла, бо себе нє вери же як нам добре.
***
АМЕРИКАНЄЦ ЗОЗ КОЛОРАДА ТВЕРДЗИ ЖЕ Є АНҐЛИЙСКИ КРАЛЬ – Добре, приятелю, могол ши вибрац голєм даяку меншу титулу.
***
СУДАН МА ПРЕМИЄРА ПОСЛЕ 30 РОКОХ – Га, на пшамаца го тельо глєдали, могли зме помогнуц скорей, дали би ми свойого.
***
СТУДЕНТКА ВОШЛА ДО ЧИТАЛЬНЇ ПРАВНОГО ФАКУЛТЕТА ЖЕ БИ УЧЕЛА, А КАМЕРА ЗНЯЛА ЦОШКА ЦО ВАС ШОКИРА –Отворела кнїжку и почала читац, ццц!
***
КОНЄЧНО РИШЕНА МИСТЕРИЯ! НАУКОВЦИ ОДКРИЛИ ПРЕЦО ПАНДИ ЧАРНО-БИЛИ – Кед панди настали, нє бул принтер у фарбох.
***
НАУКОВЦИ НАПРАВЕЛИ ЧИТАЧ ДУМКОХ – Алє нє ,,бави” на жени.
***
ШОКАНТНИ ЗНЇМОК! ЗОЗ РАНШУ КАФУ НА ДЕРЕҐЛЇ ,,ШМРКАЛИ КОКАИН” – Шокантне би було кед би ,,шмркали” лимунаду.
***
СЦИГЛА БУДУЧНОСЦ: ШВЕДСКИ ЧЕРЕП ВАМ УШПОРУЄ БОГАТСТВО – Треба перше мац богатство же би ше го ушпоровало.