РУСКИ КЕРЕСТУР – У Хорскей сали Дому култури у Руским Керестуре на ютре, 27. фебруара, на 18 годзин, будзе отримана Месна смотра рецитаторох.
Рецитаторе ше буду змагац у трох возростох – тройо у старшим, осмеро у штреднїм, док у младшим возросту конєчне число змагательох ище нєпознате, понеже у Школи „Петро Кузмяк” нєшка ма буц отримане школске змаганє, на хторим буду участвовац 22-ойо школяре од першей по штварту класу, од хторих даєдни буду вибрани за участвованє на Месней смотри рецитаторох.
Госци на Смотри буду дзеци зоз керестурского оддзелєня „Цицибан” Предшколскей установи „Бамби” зоз Кули, як и школяре Школи за основне музичне образованє Кула, оддзелєня у Руским Керестуре.
(На насловней фотоґрафиї побиднїки прешлорочней Месней смотри рецитаторох)