ВОЙВОДИНА – Пре части паданя и рост поджемних водох, у Войводини цалком под воду 4 000 гектари, а загрожени ище коло 60 000 гектари польопривредней жеми, найбаржей у Бачкей и Банату.
Медзи Руским Керестуром и Кулу уж длугши час вода у яркох на високим уровню, а затримує ше и на польох, цо спричинї чкоди. На Паличу вода уходзи до пиньвицох, а пришло и до масовного прелїваня септичних дзирох.
У Банату ВДП „Штреднї Банат“ уж мешац нєпреривно випумпує воду, понеже на тей териториї, коло рикох и иа сейкох води на барз високим уровню.
– Прешлого року було вельо паданя, цо кулминовало початком того рока. Жем презасицена и пре барз вельки уровень поджемних водох – гварел за новини „Дневник” инженєр мелиорациї Ґоран Андрияшевич.
По проґнозох Републичного гидрометеоролоґийного заводу Сербиї, уровень рикох би того тижня мал почац опадовац.