ВЕРБАС – На Площи Николи Пашича у Вербаше ше и того року з нагоди означованя Дня женох отримує манифестация под назву Базар красних стварох.
Городска площа нєшка будзе прекрита зоз численима штандами на котрих нащивителє годни найсц рижне квице, алє и рижнородни аранжмани, декорациї, рижни предмети и прикраски з котрима милим особом буду у можлївосци прикрашиц нєшкайше швето.
На числених штандох рижни продукователє представя свойо квице, як и сувенири, интересантни дарунки, мед и други пчоларски продукти, козметику и поживово продукти.
Медзинародни дзень женох нагода за промоцию красних стварох и отримованє таких базарох, визначели орґанизаторе манифестациї Туристична орґанизациї општини Вербас.
