РУСКИ КЕРЕСТУР – Здруженє женох Байка зоз Руского Керестура нєдавно прияло вредни леґат – прибор за вибиванє мустрох на платно за вишиванє хторе им подаровала Ирина Пап, а прибор припадал єй покойней мацери Павлини Лендєровей, познатей по тей роботи сиґурно 40 роки.
Тот значни дарунок хтори оможлївйовал єдно зоз старих ремеслох превжали предсидателька и подпредсидателька Байки Славица Катона и Наталия Емейди.
По словох Катоновей, прибор будзе хасновани у Здруженю за їх ручни роботи, алє доступни и шицким другим заинтересованим, хтори у Байки годни вибиц вибрани мустри за вишиванє.
