Буду виберанки на шицких уровньох

автор танюґ/бета/зам
1.1k Опатрене

БЕОҐРАД/НОВИ САД – Предсидатель Сербскей напредней странки (СНС) и премиєр Александар Вучич внєдзелю, 17. януара, на Главним одборе своєй странки винєсол одлуку о розписованю позарядових парламентарних виберанкох. Як гварел, таку одлуку принєсол пре ришованє дружтвеного зраженя хторе блокирує реформи.

Бешедуюци о виберанкох Александер Вучич гварел же Влади потребни полни мандат же би по 2020. докончела започати реформи и Сербию по 2020. рок приведла пред дзвери Европскей униї, як пристойну и ушорену жем.

Датум виберанкох ище нє познати, а як Аґенциї Бета гварел предсидатель Скупштини Войводини Иштван Пастор, позарядово републични парламентарни виберанки би требало отримац исти дзень кед и порядни покраїнски и локални виберанки, односно медзи 22. априлом и 22. майом того року.

ПОВЯЗАНИ ТЕКСТИ