КОЦУР – У Здравственей амбуланти у Коцуре заинтересовани можу прияц вакцину процив сезонскей ґрипи, а Амбуланта достала 140 дози, цо би мало буц достаточне за Коцурцох котри жадаю прияц вакцину.
Як Рутенпрес дознава у Здравственей амбуланти, за тераз интересованє слабше, та по вакцину дньово штреднє приду коло 10 особи, углавним штреднїх рокох и старши.
Доставанє вакцини ше нє заказує, треба лєм присц до амбуланти зоз здравствену кнїжочку и явиц ше на шалтер.