ШИД – У Руским доме вчера у пополадню отворена вистава писанкох и подобових роботох хтори пририхтали дзеци зоз шидского Културно-просвитного дружтва „Дюра Киш”, як и виронаучни дзеци з Беркасова и Бикичу. Источашнє отримане и змаганє за наймоцнєйшу писанку, на хторим участвовали 16-еро дзеци.
По системи елиминованя, перше место у змаганю за наймоцнєйшу писанку своєла Ема Штефанчик з Бикичу, друге Анастасия Провчи, и треце место Марко Бебек, обидвойо зоз Шиду и достали пригодни дарунки. За наймладшого учашнїка на тим змаганю преглашени Лука Бебек зоз Шиду.
З нагоди Велькей ноци, вчера дополадня у церковней порти у Шидзе була и вистава ручних роботох хтори виробели дзеци з окремнима потребами зоз Здруженя „Отворене шерцо”, а виложени роботи могло и купиц.
