ДЮРДЬОВ – На Медзинародни дзень женох, вчера 8. марца, и у центре Дюрдьова виложене вельке понукнуце квецових аранжманох и квеце у черепчкох, предмети прикрашени з декупаж технїку и фиґури з бетону за заградку и обисце.
Млади найвецей куповали резане квеце, а старши квеце у черепчку, алє заш лєм, найпредаванши були гвоздзики.
Того року у центре Дюрдьова з нагоди Осмого марца, окрем квеце, першираз понукнути креативни роботи женох и дзивкох зоз валалу.