ВЕРБАС/КУЛА – Представителє Министерства будовательства, транспорту и инфраструктури стреду нащивели осем локални самоуправи, медзи нїма и Вербас и Кулу, же би преверели порихтаносц за швидшу процедуру видаваня будовательних дозволох.
Процес доставаня того документу тераз поєдноставени и почал 1. марца, а крем Вербасу и Кули, представителє ресорного Министертва нащивели и Србобран, Зомбор, Апатин, Оджак, Бач и Бачку Паланку.
Утвердзене же за применьованє нових предписаньох порихтани у општинох Вербас, Кула, Апатин, Бачка Паланка и Оджак, а у Зомборе, Бачу и Србобрану дати совити о функционованю новей системи, же би ю цо скорей почали применьовац.
З Министертва и далєй буду обиходзиц городи и општини у Сербиї, покля шицки нє буду порихтани за применьованє нового Закона и подзаконских актох о видаваню будовательних дозволох у пракси.