НОВИ САД – У Руским културним центре (РКЦ) вчера вечар отримана Позарядова Скупштина на хторей вибрани нови Управни одбору (УО) РКЦ, понеже штверо дотерашнї члени дали задзекованя на членсто, а по Статуту РКЦ, кед трецина членох задзекує – муши ше вибрац нови УО Дружтва.
На Скупштини, з хтору предшедовал предсидатель дотерашнього Управного одбору Владимир Иван Вева, присуствовали прейґ 30 члени РКЦ.
За предложених до нового УО ше гласало поєдинєчно за каждого и з векшину гласох до УО РКЦ вибрани Владимир Иван Вева, Борислав Сакач, Миломир Шайтош, Саня Дивлякович, Вероника Вуячич, Тияна Павлов, Мелания Римар, Мирослав Загорянски и Александра Колбас.
После Скупштини догварене же конститутивна схадзка нового УО, на хторей будзе вибрани и його предсидатель, будзе отримана на стреду, 21. децембра.