НОВИ САД – Тих дньох видрукована нова кнїжка Олени Планчак-Сакач „Вецей од бешеди”, у виданю Новинско-видавательней установи „Руске слово”.
Кнїжка представя зборнїк интервюох котри авторка направела зоз значнима особами котри, як гвари рецензентка Ирина Гарди-Ковачевич, творя литературно-културну климу нє лєм медзи Руснацами, алє и ширше.
Читаче у кнїжки можу пречитац интервюи зоз велїма писателями, професорами, драматурґами и публицистами з рускей дружтвеней заєднїци, алє и зоз Светиславом Басаром, Драґаном Великичом, Владимиром Пишталом и другима сучашнїками, а котри свойочасово обявени у новинох „Руске слово”.
„Вецей од бешеди” видала НВУ „Руске слово”, а друкованє финансийно помогла Городска управа за културу Нового Саду.