ШИД – Вчера, на Вельки штварток, у Руским доме виронаучни дзеци зоз Бикичу, Беркасова и Шиду у пополадньових годзинох пририхтовали писанки за Вельку ноц.
У тим им помагали жени зоз Здруженя женох „Маря“, як и вироучитель о. Владимир Еделински Миколка, парох з Беркасова.
Заступени були вецей технїки сучасного прикрашованя з фломастерами, потим фарбенє у даскелїх фарбох, а тиж и у дакедишнєй технїки писаня з воском, а жени з тей нагоди напекли дзецом бухти.
На нєдзелю, на Перши дзень Велькей ноци, на 15 годзин у Руским доме будзе отримане традицийне змаганє за найтвардейшу писанку.