„Вирска толеранция у Дунайским реґионє”

автор  сен
963 Опатрене

СРИМСКИ КАРЛОВЦИ – Намагац ше очувац мултикултуралносц, промововац идею заєднїцкого живота без дискриминациї – то даєдни зоз заключеньох конференциї з тему „Вирска толеранция у Дунайским реґионє”, хтора отримана вчера у Сримских Карловцох. На сходзе окреме визначене и же предрозсудки и дискриминация найбаржей присутни при младих, котрим треба указац же нєт потреби же би ше видвойовали на основи вирского, националного, лєбо було якого опредзелєня, преноши Танюґ.

На отвераню конференциї покраїнски премиєр Боян Пайтич наглашел же ше толеранцию будує так же ше ю запровадзує як способ живота, а людзе би мали научиц жиц єдни з другима, а нє єдни коло других.

Окрем дискриминациї меншинох, присутна и такволана „ґетоизация” националних меншинох, дзе ше припаднїки националних меншинох сами видвоюю од других нациналносцох. Кед слово о вири, Пайтич наглашел же тота обласц критична, пре ситуацию дзеведзешатих рокох на просторе бувшей Югославиї.

На сходзе винєшени податки же Войводина ма коло два милиони жительох, 24 национални заєднїци, а у службеним хаснованю шейсц язики, та медзи иншим заключене же нє можлїве обкеровац зраженя, медзитим, то нє треба же би було правило, алє инцидент.

 

ПОВЯЗАНИ ТЕКСТИ