РУСКИ КЕРЕСТУР – Вчера у парохиї св. оца Миколая у Руским Керестуре вишло новемберске число Християнского часопису „Дзвони”, хторе з найвекшей часци пошвецене периоду Крачунского посту, тє. духовному пририхтованю за швето Рождества Христового.
Нови „Дзвони” приноша и звити з подїйох у наших парохийох, як цо то рочнїци у Сримскей Митровици, парохийного Каитасу у Керестуре, дюрдьовского Хору „Розанов”, о ювилею Медзирелиґийней молитви за мир, та о актуалних подїйох у вселенскей Церкви.
У дзецинскей рубрики часопису драмска сличка о св. Миколайови „Златне правило” Меланиї Римар, як и вецей прилоги з духовней поезиї наших и странских авторох.
У додатку „Богословска думка” законченє предлуженьох у хторих розпатрана папова була пошвецена Року милосердия, та „Поуки о правдивей споведзи”.