Водица постала тирваце одпустове место

автор маф
1.2k Опатрене

РУСКИ КЕРЕСТУР – Под час Архиєрейскей Службу Божей, Марийово святилїще Водица вчера шветочно преглашена (прията) до духовней заєднїци з папску церкву св. Мариї Велькей у Риме, хтора перша церква на чесц Богородици. Водица так постала тирваце одпустове место у одредзених дньох.

Преглашенє окончене з читаньом писма кардинала Абрила Сантоса, ахипрезвитера тей римскей базилики, видате 7. октобра 2015. року, з хторим ше Водицу прима до тей духовней повязаносци, а пречитане є по руски и по сербски.

Так, подполни одпуст у Водици годно отримовац на храмове швето римскей базилики 5. авґуста, на храмова швето Водици – на Непорочне зачатиє, на шицки Марийово швета и з других окремних нагодох и паломнїцтвох на чесц Мариї.

Владика Георгий з тей нагоди принєсол и специялну цеглу виняту зоз святих дзверох тей римскей Марийовей церкви, а хтору Водици подаровал кардинал Сантос, та су з тим, символично, и материялно повязани. Цегла будзе умурована до св. дзверох Водицовей каплїци, а тирвацо виложене и писмо преглашеня.

ПОВЯЗАНИ ТЕКСТИ