Вочи осмому марцу богате понукнуце у центру валала

автор м. джуджар
239 Опатрене

РУСКИ КЕРЕСТУР – Того року з нагоди Осмого марца, у Руским Керестуре богате понуканє квеца и других пригодних дарункох на Осмомарцовским вашаре котри тирва од 6. до 8. марца у центру валала.

У самим центру валала єст поставени вецей як 20 розлични штанди на котрих мож купиц насампредз квеце у черепчку або до вазни, козметику, прикраски и рижни продукти власного виробнїцтва.

Пре епидемийну ситуацию Осми марец того року у керестурским оддзелєню Предшколскей установи Бамби, єй оддзелєня дзецинскей заградки Цицибан, означує ше без традицийних програмох дзецох своїм мацером. Заш лєм, шицки воспитачки вєдно зоз дзецми научели вецей писньочки о тим швету, а кажде дзецко своєй мацери порихта дарунок.

Школяре нїзших класох Основней школи Петро Кузмяк зоз своїма учительками тиж означую медзинародне швето Осми марец, на креативних роботньох буду правиц винчованки и дарунки за свойо мацери.

ПОВЯЗАНИ ТЕКСТИ